تجھ بن آرام جاں کہاں ہے مجھے

تجھ بن آرام جاں کہاں ہے مجھے

زندگانی وبال جاں ہے مجھے

گر یہی درد ہجر ہے تیرا

زیست کا اپنی کب گماں ہے مجھے

مثل طوطی ہزار معنی میں

سحر ساز سخن زباں ہے مجھے

ہے خیال اس کا مانع گفتار

ورنہ سو قوت بیاں ہے مجھے

خامشی بے سبب نہیں بیدارؔ

باعث زیستن دہاں ہے مجھے

tujh bin aram-e-jan kahan hai mujhe

zindagani wabal-e-jan hai mujhe

gar yahi dard-e-hijr hai tera

zist ka apni kab guman hai mujhe

misl-e-tuti hazar maani mein

sehr saz-e-sukhan zaban hai mujhe

hai khayal us ka mane-e-guftar

warna so quwwat-e-bayan hai mujhe

khamushi be sabab nahin bedar

bais-e-zestan dahan hai mujhe