وہ نیرنگ الفت کو کیا جانتا ہے

وہ نیرنگ الفت کو کیا جانتا ہے

کہ اپنے سے مجھ کو جدا جانتا ہے

کچھ ایسی تو دشمن میں خوبی نہیں ہے

مگر تو خدا جانے کیا جانتا ہے

یہ منہ سے تو کہتا ہوں چھوڑی محبت

مگر حال دل کا خدا جانتا ہے

تمہاری شرارت کو کیا جانے کوئی

یہ میں جانوں یا دل مرا جانتا ہے

ظہیرؔ اپنے عیبوں کو میں جانتا ہوں

زمانہ مجھے پارسا جانتا ہے

wo nairang-e-ulfat ko kya janta hai

ke apne se mujh ko juda janta hai

kuchh aisi to dushman mein khubi nahin hai

magar tu khuda jane kya janta hai

ye munh se to kahta hun chhori mohabbat

magar hal-e-dil ka khuda janta hai

tumhari shararat ko kya jane koi

ye main janun ya dil mira janta hai

zahir apne aibon ko main janta hun

zamana mujhe parsa janta hai