وہ مری چین جبیں سے غم پنہاں سمجھا

وہ مری چین جبیں سے غم پنہاں سمجھا

راز مکتوب بہ بے ربطی عنواں سمجھا

یک الف بیش نہیں صیقل آئینہ ہنوز

چاک کرتا ہوں میں جب سے کہ گریباں سمجھا

شرح اسباب گرفتاری خاطر مت پوچھ

اس قدر تنگ ہوا دل کہ میں زنداں سمجھا

بد گمانی نے نہ چاہا اسے سرگرم خرام

رخ پہ ہر قطرہ عرق دیدۂ حیراں سمجھا

عجز سے اپنے یہ جانا کہ وہ بد خو ہوگا

نبض خس سے تپش شعلۂ سوزاں سمجھا

سفر عشق میں کی ضعف نے راحت طلبی

ہر قدم سائے کو میں اپنے شبستاں سمجھا

تھا گریزاں مژۂ یار سے دل تا دم مرگ

دفع پیکان قضا اس قدر آساں سمجھا

دل دیا جان کے کیوں اس کو وفادار اسدؔ

غلطی کی کہ جو کافر کو مسلماں سمجھا

ہم نے وحشت کدۂ بزم جہاں میں جوں شمع

شعلۂ عشق کو اپنا سر و ساماں سمجھا

ہم نے وحشت کدۂ بزم جہاں میں چوں شمع

شعلۂ عشق کو اپنا سرو ساماں سمجھا

wo miri chain-e-jabin se gham-e-pinhan samjha

raz-e-maktub ba be rabati-e-unwan samjha

yak alif besh nahin saiqal aina hanoz

chak karta hun main jab se ke gareban samjha

sharh-e-asbab-e-giraftari-e-khatir mat puchh

is qadar tang hua dil ke main zindan samjha

bad gumani ne na chaha use sargarm-e-khiram

rukh pe har qatra-e-araq dida-e-hairan samjha

ijz se apne ye jana ke wo bad khu hoga

nabz-e-khas se tapish-e-shola-e-sozan samjha

safar-e-ishq mein ki zof ne rahat talbi

har qadam sae ko main apne shabistan samjha

tha gurezan mizha-e-yar se dil ta dam-e-marg

daf-e-paikan-e-qaza is qadar asan samjha

dil diya jan ke kyun us ko wafadar asad

ghalati ki ke jo kafir ko musalman samjha

ham ne wahshat kada-e-bazm-e-jahan mein jun shama

shola-e-ishq ko apna sar-o-saman samjha

ham ne wahshat kada-e-bazm-e-jahan mein chun shama

shola-e-ishq ko apna sarw saman samjha