وہ شمع اجالا جس نے کیا چالیس برس تک غاروں میں

وہ شمع اجالا جس نے کیا چالیس برس تک غاروں میں

اک روز چمکنے والی تھی سب دنیا کے درباروں میں

گر ارض و سما کی محفل میں لولاک لما کا شور نہ ہو

یہ رنگ نہ ہو گلزاروں میں یہ نور نہ ہو سیاروں میں

جو فلسفیوں سے کھل نہ سکا جو نکتہ وروں سے حل نہ ہوا

وہ راز اک کملی والے نے بتلا دیا چند اشاروں میں

بو بکر و عمر عثمان و علی کرنیں ہیں ایک ہی مشعل کی

ہم مرتبہ ہیں یاران نبی کچھ فرق نہیں ان چاروں میں

وہ جنس نہیں ایمان جسے لے آئیں دکان فلسفہ سے

ڈھونڈے سے ملے گی عاقل کو ی قرآں کے سپاروں میں

wo shama ujala jis ne kya chalis baras tak gharon mein

ik roz chamakne wali thi sab duniya ke darbaron mein

gar arz-o-sama ki mahfil mein laulak lama ka shor na ho

ye rang na ho gulzaron mein ye nur na ho sayyaron mein

jo falsafiyon se khul na saka jo nukta waron se hal na hua

wo raz ik kamli wale ne batla diya chand isharon mein

bu bakar-o-umr usman-o-ali kirnen hain ek hi mashal ki

ham martaba hain yaran-e-nabi kuchh farq nahin in charon mein

wo jins nahin iman jise le aen dukan falsafa se

dhunde se milegi aqil ko y quran ke siparon mein