وہ جو کچھ کچھ نگہ ملانے لگے

وہ جو کچھ کچھ نگہ ملانے لگے

ہم ہر اک سے نظر چرانے لگے

دیکھیے کیا ہو جور کا انجام

وہ مرے حوصلے بڑھانے لگے

یہ وہ کافر ہے عشق خانہ خراب

تم مرے غم کدے میں آنے لگے

کاوشوں میں بھی اب مزا نہ رہا

ہر کسی کو وہ جب ستانے لگے

موت آئی ظہیرؔ کب ہم کو

جب محبت کے لطف آنے لگے

wo jo kuchh kuchh nigah milane lage

ham har ik se nazar churane lage

dekhiye kya ho jaur ka anjam

wo mire hausle barhane lage

ye wo kafir hai ishq khana kharab

tum mire gham kade mein ane lage

kawishon mein bhi ab maza na raha

har kisi ko wo jab satane lage

maut ai zahir kab ham ko

jab mohabbat ke lutf ane lage