تابش حسن حجاب رخ پر نور نہیں

تابش حسن حجاب رخ پر نور نہیں

رخنہ گر ہو نگہ شوق تو کچھ دور نہیں

شب فرقت نظر آتے نہیں آثار سحر

اتنی ظلمت ہے رخ شمع پہ بھی نور نہیں

راز سربستۂ فطرت نہ کھلا ہے نہ کھلے

میں ہوں اس سعی میں مصروف جو مشکور نہیں

صرف نیرنگئ نظارہ ہے خود اپنا وجود

عین وحدت ہے کوئی ناظر و منظور نہیں

نظر آتا نہیں گو منزل مقصد کا نشاں

ذوق صادق یہی کہتا ہے کہ کچھ دور نہیں

tabish-e-husn-e-hijab-e-rukh pur nur nahin

rakhna gar ho nigah shauq to kuchh dur nahin

shab-e-furqat nazar ate nahin asar-e-sahar

itni zulmat hai rukh-e-shama pe bhi nur nahin

raz sarbasta-e-fitrat na khula hai na khule

main hun is sai mein masruf jo mashkur nahin

sirf-e-nairangi-e-nazzara hai khud apna wajud

ain wahdat hai koi nazir-o-manzur nahin

nazar ata nahin go manzil-e-maqsad ka nishan

zauq-e-sadiq yahi kahta hai ke kuchh dur nahin