نیچی نگہ کی ہم نے تو اس نے منہ کو چھپانا چھوڑ دیا

نیچی نگہ کی ہم نے تو اس نے منہ کو چھپانا چھوڑ دیا

کچھ جو ہوئی پھر اونچی تو رخ سے پردہ اٹھانا چھوڑ دیا

زلف سے جکڑا پہلے تو دل پھر اس کا تماشہ دیکھنے کو

نظروں کا اس پر سحر کیا اور کر کے دوانا چھوڑ دیا

اس نے اٹھایا ہم پہ طمانچہ ہم نے ہٹایا منہ کو جو آہ

شوخ نے ہم کو اس دن سے پھر ناز دکھانا چھوڑ دیا

بیٹھ کے نزدیک اس کے جو اک دن پاؤں کو ہم نے چوم لیا

اس نے ہمیں بے باک سمجھ کر لطف جتانا چھوڑ دیا

پھر جو گئے ہم ملنے کو اس کو دیکھ کے اس نے ہم کو نظیرؔ

یوں تو کہا ہاں آؤ جی لیکن پاس بٹھانا چھوڑ دیا

nichi nigah ki ham ne to us ne munh ko chhupana chhor diya

kuchh jo hui phir unchi to rukh se parda uthana chhor diya

zulf se jakra pahle to dil phir us ka tamasha dekhne ko

nazron ka us par sehr kiya aur kar ke dawana chhor diya

us ne uthaya ham pe tamancha ham ne hataya munh ko jo ah

shokh ne ham ko us din se phir naz dikhana chhor diya

baith ke nazdik us ke jo ik din paon ko ham ne chum liya

us ne hamen be bak samajh kar lutf jatana chhor diya

phir jo gae ham milne ko us ko dekh ke us ne ham ko nazir

yun to kaha han ao ji lekin pas bithana chhor diya