نے فقط تجھ حسن کی ہے ہند کی خوباں میں دھوم

نے فقط تجھ حسن کی ہے ہند کی خوباں میں دھوم

ہے تری زلف چلیپا کی فرنگستاں میں دھوم

کیا کریں پابستۂ کوئے بتاں ہیں ورنہ ہم

کرتے جوں فرہاد و مجنوں دشت و کوہستاں میں دھوم

دیکھ تیرے منہ کو کچھ آئینہ ہی حیراں نہیں

تجھ رخ روشن کی ہے مہر و مہ تاباں میں دھوم

اے بہار گلشن ناز و نزاکت ہر طرف

تیرے آنے سے ہوئی ہے اور بھی بستاں میں دھوم

شعر کہنا گرچہ چھوڑا تو نے اے بیدارؔ آج

کہہ غزل ایسی کہ ہو بزم سخن سنجاں میں دھوم

ne faqat tujh husn ki hai hind ki khuban mein dhum

hai tiri zulf-e-chalepa ki farangistan mein dhum

kya karen pabasta-e-ku-e-butan hain warna ham

karte jun farhad-o-majnun dasht-o-kohistan mein dhum

dekh tere munh ko kuchh aina hi hairan nahin

tujh rukh-e-raushan ki hai mehr-o-mah-e-taban mein dhum

ai bahar-e-gulshan-e-naz-o-nazakat har taraf

tere ane se hui hai aur bhi bistan mein dhum

sher kahna garche chhora tu ne ai bedar aj

kah ghazal aisi ke ho bazm-e-sukhan sanjan mein dhum