تجھ بنا دل کو بے قراری ہے

تجھ بنا دل کو بے قراری ہے

دم بدم مجھ کو آہ و زاری ہے

ہاتھ تیرے جو دیکھی ہے تلوار

آرزو دل کو جاں سپاری ہے

مجھ کو اوروں سے کچھ نہیں ہے کام

تجھ سے ہر دم امیدواری ہے

ہم سے تجھ کو نہیں ملاپ کبھی

یہ مگر جگ میں طور یاری ہے

آہ کوں دل میں میں چھپاتا ہوں

لازم عشق پردہ داری ہے

گر رہا تیری راہ پر فائزؔ

عشق کی شرط خاکساری ہے

tujh bina dil ko be qarari hai

dam badam mujh ko ah-o-zari hai

hath tere jo dekhi hai talwar

arzu dil ko jan supari hai

mujh ko auron se kuchh nahin hai kam

tujh se har dam umidwari hai

ham se tujh ko nahin milap kabhi

ye magar jag mein tur yari hai

ah kun dil mein main chhupata hun

lazim-e-ishq parda dari hai

gir raha teri rah par faiz

ishq ki shart khaksari hai