نین کی پتلی میں اے سریجن ترا مبارک مقام دستا

نین کی پتلی میں اے سریجن ترا مبارک مقام دستا

پلک کے پٹ کھول کر جو دیکھوں تو مجھ کوں ماہ تمام دستا

پری کی مجلس میں تجھ کوں زاہد ہنوز پروانگی نہیں ہے

مئے محبت کوں نوش کر توں کہ اب تلک مجھ کوں خام دستا

سبھوں سیں مکھ موڑ کر مرا دل پرت کے فن میں ہوا اداسی

نماز جی سیں نیاز کی پڑھ صف جنوں کا امام دستا

اگرچہ ہر سرو راست قامت چمن میں مغرور سرکشی ہے

مقابل اس قد خوش ادا کے مری نظر میں غلام دستا

وو شکریں لب نے گوش دل سیں تمام سن کر یوں ریختہ کوں

کہا وو میٹھے بچن سیں مجھ کوں سراجؔ شیریں کلام دستا

nain ki putli mein ai sirijin tira mubarak maqam dista

palak ke pat khol kar jo dekhun to mujh kun mah-e-tamam dista

pari ki majlis mein tujh kun zahid hanoz parwanagi nahin hai

mai-e-mohabbat kun nosh kar tun ke ab talak mujh kun kham dista

sabhon sin mukh mor kar mira dil parat ke fan mein hua udasi

namaz ji sin niyaz ki parh saf-e-junun ka imam dista

agarche har sarw rast qamat chaman mein maghrur sarkashi hai

muqabil is qad-e-khush ada ke miri nazar mein ghulam dista

wo shukren lab ne gosh-e-dil sin tamam sun kar yun rekhta kun

kaha wo mithe bachan sin mujh kun siraj shirin kalam dista