واہ کیا خوب قدر کی دل کی

واہ کیا خوب قدر کی دل کی

نہ سنی تم نے ایک بھی دل کی

ضبط فریاد میں کٹی شب ہجر

شکر ہے بات رہ گئی دل کی

مست ہیں نشۂ جوانی سے

کیا خبر آپ کو کسی دل کی

بڑھتا جاتا ہے طول گیسوئے یار

گھٹتی جاتی ہے زندگی دل کی

وہ زمانہ اب آیا ہے محشرؔ

ہے ہر اک بزم میں ہنسی دل کی

wah kya khub qadr ki dil ki

na suni tum ne ek bhi dil ki

zabt-e-fariyad mein kati shab-e-hijr

shukr hai bat rah gai dil ki

mast hain nasha-e-jawani se

kya khabar ap ko kisi dil ki

barhta jata hai tul-e-gesu-e-yar

ghatti jati hai zindagi dil ki

wo zamana ab aya hai mahshar

hai har ik bazm mein hansi dil ki