واہ کیا ہم کو بنایا اور بنا کر رہ گئے

واہ کیا ہم کو بنایا اور بنا کر رہ گئے

وصل کا مژدہ سنایا اور سنا کر رہ گئے

لے گیا شوق اس کے در تک پھر کمی ہمت نے کی

حلقۂ در کو ہلایا اور ہلا کر رہ گئے

میں نے جو اپنے دل گم گشتہ کی پوچھی خبر

سر ہلایا مسکرائے مسکرا کر رہ گئے

غیرت دشمن کی خاطر میری غیرت لائی رنگ

مجھ کو محفل میں بلایا اور بلا کر رہ گئے

کام رونے سے بھی ساقیؔ اپنا کچھ نکلا نہیں

لکھا قسمت کا مٹایا اور مٹا کر رہ گئے

wah kya ham ko banaya aur bana kar rah gae

wasl ka muzhda sunaya aur suna kar rah gae

le gaya shauq us ke dar tak phir kami himmat ne ki

halqa-e-dar ko hilaya aur hila kar rah gae

main ne jo apne dil-e-gum gashta ki puchhi khabar

sar hilaya muskurae muskura kar rah gae

ghairat-e-dushman ki khatir meri ghairat lai rang

mujh ko mahfil mein bulaya aur bala kar rah gae

kam rone se bhi saqi apna kuchh nikla nahin

likha qismat ka mitaya aur mita kar rah gae