وسعت سعی کرم دیکھ کہ سر تا سر خاک

وسعت سعی کرم دیکھ کہ سر تا سر خاک

گزرے ہے آبلہ پا ابر گہربار ہنوز

یک قلم کاغذ آتش زدہ ہے صفحۂ دشت

نقش پا میں ہے تب گرمی رفتار ہنوز

داغ اطفال ہے دیوانہ بہ کہسار ہنوز

خلوت سنگ میں ہے نالہ طلبگار ہنوز

خانہ ہے سیل سے خو کردۂ دیدار ہنوز

دوربیں در زدہ ہے رخنۂ دیوار ہنوز

آئی یک عمر سے معذور تماشہ نرگس

چشم شبنم میں نہ ٹوٹا مژۂ خار ہنوز

کیوں ہوا تھا طرف آبلۂ پا یارب

جادہ ہے وا شدن پیچش طومار ہنوز

ہوں خموشیٔ چمن حسرت دیدار اسدؔ

مژہ ہے شانہ کش طرۂ گفتار ہنوز

wusat-e-sai-e-karam dekh ke sar ta sar-e-khak

guzre hai abla pa abr-e-guharbar hanoz

yak qalam kaghaz-e-atish zada hai safha-e-dasht

naqsh-e-pa mein hai tab garmi-e-raftar hanoz

dagh-e-atfal hai diwana ba kohsar hanoz

khalwat-e-sang mein hai nala talabgar hanoz

khana hai sail se khu karda-e-didar hanoz

durbin dar zada hai rakhna-e-diwar hanoz

ai yak umr se maazur tamasha nargis

chashm-e-shabnam mein na tuta mizha-e-khar hanoz

kyun hua tha taraf-e-abla-e-pa yarab

jada hai wa shadan pechish-e-tumar hanoz

hun khamoshi-e-chaman-e-hasrat-e-didar asad

mizha hai shana kash-e-turra-e-guftar hanoz