وحشت کو مری دیکھ کہ مجنوں نے کہا بس

وحشت کو مری دیکھ کہ مجنوں نے کہا بس

مجنوں نیں تو کیا دامن ہاموں نے کہا بس

ہر درد نیں جیوں قطب مجھے دیکھ کے ثابت

قربان مرے گرد ہو گردوں نے کہا بس

گل رو کی جدائی میں مرے داغ جگر دیکھ

گلشن میں ہر ایک لالۂ پرخوں نے کہا بس

ہے دام پری بسکہ مری آہ کا جادو

بے باک ہو اوس چشم پر افسوں نے کہا بس

احوال سراجؔ آتش ہجراں میں تری دیکھ

دل سوز ہو پروانۂ محزوں نے کہا بس

wahshat ko miri dekh ke majnun ne kaha bas

majnun nain to kya daman hamun ne kaha bas

har dard nain jyun qutb mujhe dekh ke sabit

qurban mire gard ho gardun ne kaha bas

gul ru ki judai mein mire dagh-e-jigar dekh

gulshan mein har ek lala-e-purkhun ne kaha bas

hai dam-e-pari baske miri ah ka jadu

be bak ho os chashm par afsun ne kaha bas

ahwal siraj atish-e-hijran mein tiri dekh

dil soz ho parwana-e-mahzon ne kaha bas