تازہ پھر دانشِ حاضر نے کیا سِحرِ قدیم

تازہ پھر دانشِ حاضر نے کیا سِحرِ قدیم

گزر اس عہد میں ممکن نہیں بے چوبِ کلیم

عقل عیّار ہے، سَو بھیس بنا لیتی ہے

عشق بے چارہ نہ مُلّا ہے نہ زاہد نہ حکیم!

عیشِ منزل ہے غریبانِ محبّت پہ حرام

سب مسافر ہیں، بظاہر نظر آتے ہیں مقیم

ہے گراں سیر غمِ راحلہ و زاد سے تُو

کوہ و دریا سے گزر سکتے ہیں مانندِ نسیم

مردِ درویش کا سرمایہ ہے آزادی و مرگ

ہے کسی اور کی خاطر یہ نصابِ زر و سیم

taza phir danish-e-hazir ne kiya sehr-e-qadim

guzar is ahd mein mumkin nahin be chob-e-kalim

aql-e-ayyar hai, sau bhes bana leti hai

ishq-e-be chara na mulla hai na zahid na hakim!

aish-e-manzil hai ghariban-e-mohabbat pe haram

sab musafir hain, bazahir nazar ate hain muqim

hai giran sair gham-e-rahila-o-zad se tu

koh-o-dariya se guzar sakte hain manind-e-nasim

mard-e-darwesh ka sarmaya hai azadi-o-marg

hai kisi aur ki khatir ye nisab-e-zar-o-sim