نہ ہوگا یک بیاباں ماندگی سے ذوق کم میرا

نہ ہوگا یک بیاباں ماندگی سے ذوق کم میرا

حباب موجۂ رفتار ہے نقش قدم میرا

محبت تھی چمن سے لیکن اب یہ بے دماغی ہے

کہ موج بوئے گل سے ناک میں آتا ہے دم میرا

رہ خوابیدہ تھی گردن کش یک درس آگاہی

زمیں کو سیلئ استاد ہے نقش قدم میرا

سراغ آوارۂ عرض دو عالم شور محشر ہوں

پرافشاں ہے غبار آں سوئے صحرائے عدم میرا

ہوائے صبح یک عالم گریباں چاکی گل ہے

دہان زخم پیدا کر اگر کھاتا ہے غم میرا

نہ ہو وحشت کش درس سراب سطر آگاہی

میں گرد راہ ہوں بے مدعا ہے پیچ و خم میرا

اسدؔ وحشت پرست گوشۂ تنہائی دل ہے

برنگ موج مے خمیازۂ ساغر ہے رم میرا

na hoga yak bayaban mandagi se zauq-e-kam mera

habab-e-mauja-e-raftar hai naqsh-e-qadam mera

mohabbat thi chaman se lekin ab ye be dimaghi hai

ke mauj-e-bu-e-gul se nak mein ata hai dam mera

rah-e-khwabida thi gardan kash-e-yak dars-e-agahi

zamin ko sili-e-ustad hai naqsh-e-qadam mera

suragh-e-awara-e-arz-e-do alam shor-e-mahshar hun

purafshan hai ghubar an su-e-sahra-e-adam mera

hawa-e-subh yak alam gareban chaki-e-gul hai

dahan-e-zakhm paida kar agar khata hai gham mera

na ho wahshat-e-kash-e-dars-e-sarab-e-satr-e-agahi

main gard-e-rah hun be muddaa hai pech-o-kham mera

asad wahshat parast-e-gosha-e-tanhai-e-dil hai

barang-e-mauj-e-mai khamyaza-e-saghar hai ram mera