نہ ہو پہلو میں جب دل زندگی کیا

نہ ہو پہلو میں جب دل زندگی کیا

ارے ہم کیا ہماری دل لگی کیا

خیال آبرو ہے نشہ میں بھی

ارے ہم کیا ہماری بے خودی کیا

مدد کچھ کر نہیں سکتے کسی کی

ارے ہم کیا ہماری دوستی کیا

کیا کرتے ہیں سجدے بے دلی سے

ارے ہم کیا ہماری بندگی کیا

تردد میں گزرتا ہے ہر اک دن

ارے ہم کیا ہماری زندگی کیا

سمجھتے ہیں عدو بھی دوست ہم کو

ارے ہم کیا ہماری دشمنی کیا

نصیحت بھی ہے دل آزار سیفیؔ

ارے ہم کیا ہماری شاعری کیا

na ho pahlu mein jab dil zindagi kya

are ham kya hamari dil lagi kya

khayal-e-abru hai nasha mein bhi

are ham kya hamari be khudi kya

madad kuchh kar nahin sakte kisi ki

are ham kya hamari dosti kya

kiya karte hain sajde be dili se

are ham kya hamari bandagi kya

taraddud mein guzarta hai har ik din

are ham kya hamari zindagi kya

samajhte hain adu bhi dost ham ko

are ham kya hamari dushmani kya

nasihat bhi hai dil azar saifi

are ham kya hamari shayari kya