نہ پہنچا ساتھ یارانۂ سفر کی ناتوانی سے

نہ پہنچا ساتھ یارانۂ سفر کی ناتوانی سے

میں سر پٹکا کیا اک عمر سگ سخت جانی سے

ادا فہمان شوق وصل ہو طور تجلی پر

مزہ دیدار کا ملتا ہے بانگ لن ترانی سے

مرید مرشد ہمت ہوں میں میری طریقت میں

کفن بھی ساتھ لانا ننگ ہے دنیائے فانی سے

وہ سرگرم بیان سوزش داغ محبت ہوں

حضر کرتا ہے شعلہ بھی مری آتش بیانی سے

ہمارے غنچۂ دل کو تبسم کی نہ دی فرصت

رہا ہم کو یہ شکوہ لطمۂ باد خزانی سے

شراب عشق کا ساغر دیا ہے مجھ کو ساقی نے

نہ اٹھوں گا میں محشر کو بھی اپنی سرگرانی سے

ہمیں وہ راہ بتلائی ہے خضر عشق نے عیشیؔ

نشان رفتگاں پیدا ہے جس میں بے نشانی سے

na pahuncha sath yarana-e-safar ki natawani se

main sar patka kiya ik umr sag-e-sakht jani se

ada fahman shauq-e-wasl ho tur tajalli par

maza didar ka milta hai bang-e-lan tarani se

murid-e-murshid-e-himmat hun main meri tariqat mein

kafan bhi sath lana nang hai duniya-e-fani se

wo sargarm-e-bayan sozish-e-dagh-e-mohabbat hun

hazar karta hai shola bhi miri atish bayani se

hamare ghuncha-e-dil ko tabassum ki na di fursat

raha ham ko ye shikwa latma-e-bad-e-khuzzani se

sharab-e-ishq ka saghar diya hai mujh ko saqi ne

na uthunga mein mahshar ko bhi apni sargirani se

hamen wo rah batlai hai khizr-e-ishq ne aishi

nishan-e-raftagan paida hai jis mein be nishani se