نہ چھیڑ زاہد ناداں شراب پینے دے
Akhtar Shirani (1905–1948)نہ چھیڑ زاہد ناداں شراب پینے دے
شراب پینے دے خانہ خراب پینے دے
ابھی سے اپنی نصیحت کا زہر دے نہ مجھے
ابھی تو پینے دے اور بے حساب پینے دے
میں جانتا ہوں چھلکتا ہوا گناہ ہے یہ
تو اس گناہ کو بے احتساب پینے دے
پھر ایسا وقت کہاں ہم کہاں شراب کہاں
طلسم دہر ہے نقش بر آب پینے دے
مرے دماغ کی دنیا کا آفتاب ہے یہ
ملا کے برف میں یہ آفتاب پینے دے
کسی حسینہ کے بوسوں کے قابل اب نہ رہے
تو ان لبوں سے ہمیشہ شراب پینے دے
سمجھ کے اس کو غفور الرحیم پیتا ہوں
نہ چھیڑ ذکر عذاب و ثواب پینے دے
جو روح ہو چکی اک بار داغدار مری
تو اور ہونے دے لیکن شراب پینے دے
شراب خانے میں یہ شور کیوں مچایا ہے
خموش اخترؔ خانہ خراب پینے دے
na chher zahid-e-nadan sharab pine de
sharab pine de khana kharab pine de
abhi se apni nasihat ka zahr de na mujhe
abhi to pine de aur be hisab pine de
main janta hun chhalakta hua gunah hai ye
to is gunah ko be ehtisab pine de
phir aisa waqt kahan ham kahan sharab kahan
tilism-e-dahr hai naqsh-e-bar ab pine de
mire dimagh ki duniya ka aftab hai ye
mila ke barf mein ye aftab pine de
kisi hasina ke boson ke qabil ab na rahe
tu un labon se hamesha sharab pine de
samajh ke us ko ghafur alrrahim pita hun
na chher zikr azab-o-sawab pine de
jo ruh ho chuki ik bar daghdar miri
tu aur hone de lekin sharab pine de
sharab khane mein ye shor kyun machaya hai
khamosh akhtar khana kharab pine de