نہ رہا گل نہ خار ہی آخر

نہ رہا گل نہ خار ہی آخر

اک رہا حسن یار ہی آخر

اب جو چھوٹے بھی ہم قفس سے تو کیا

ہو چکی واں بہار ہی آخر

آتش دل پہ آب لے دوڑا

دیدۂ اشک بار ہی آخر

ضد سے ناصح کی میں نے کر ڈالا

جیب کو تار تار ہی آخر

کیوں نہ ہوں تیرے در پہ ہونا ہے

ایک دن تو غبار ہی آخر

کام آیا نہ جائے شمع مزار

یہ دل داغدار ہی آخر

شمع رو پر مثال پروانہ

ہو گئے ہم نثار ہی آخر

وہ نہ آیا ادھر حسنؔ افسوس

رہ گیا انتظار ہی آخر

na raha gul na khar hi akhir

ik raha husn-e-yar hi akhir

ab jo chhote bhi ham qafas se to kya

ho chuki wan bahar hi akhir

atish-e-dil pe ab le daura

dida-e-ashk bar hi akhir

zid se naseh ki main ne kar dala

jeb ko tar tar hi akhir

kyun na hun tere dar pe hona hai

ek din to ghubar hi akhir

kam aya na jae sham-e-mazar

ye dil daghdar hi akhir

shama ro par misal parwana

ho gae ham nisar hi akhir

wo na aya idhar husn afsos

rah gaya intizar hi akhir