نہ تن میں استخوان نے رگ رہی ہے

نہ تن میں استخوان نے رگ رہی ہے

لبوں پر کیونکہ جان اب لگ رہی ہے

ہمیں پوچھو تو ہستی سے عدم تک

مسافت کیا ہے ہاں یک ڈگ رہی ہے

تمہاری یاد میں اے شعلہ خوباں

زبان شمع پر لو لگ رہی ہے

ہمیں یک عمر سے کوچے میں اس کے

تلاش پائے بوس سگ رہی ہے

نہ جا اس کی طرف تو آج حاتمؔ

وہاں شمشیر ابرو بگ رہی ہے

na tan mein ustukhawan ne rag rahi hai

labon par kyunke jan ab lag rahi hai

hamen puchho to hasti se adam tak

masafat kya hai han yak dag rahi hai

tumhari yad mein ai shola khuban

zaban-e-shama par lo lag rahi hai

hamen yak umr se kuche mein us ke

talash pae bos sag rahi hai

na ja us ki taraf to aj hatim

wahan shamshir-e-abru bug rahi hai