نہ ملا وہ نفاق کے مارے

نہ ملا وہ نفاق کے مارے

کیا کریں ہم وفاق کے مارے

جب تک آوے ہے آوے تو ہم تو

مر چکے اشتیاق کے مارے

مت خفا ہو کہ آن نکلے ہیں

ہم بھی یاں اتفاق کے مارے

مل گئے خاک میں ہزاروں ہی

چرخ کہنہ رواق کے مارے

ہو چکا حشر بھی حسنؔ لیکن

نہ جیے ہم فراق کے مارے

na mila wo nifaq ke mare

kya karen ham wifaq ke mare

jab tak awe hai awe to ham to

mar chuke ishtiyaq ke mare

mat khafa ho ke an nikle hain

ham bhi yan ittifaq ke mare

mil gae khak mein hazaron hi

charkh kohna ruaq ke mare

ho chuka hashr bhi husn lekin

na jiye ham firaq ke mare