نہ لیوے گر خس جوہر طراوت سبزۂ خط سے

نہ لیوے گر خس جوہر طراوت سبزۂ خط سے

لگائے خانۂ آئینہ میں روئے نگار آتش

فروغ حسن سے ہوتی ہے حل مشکل عاشق

نہ نکلے شمع کے پا سے نکالے گر نہ خار آتش

شرر ہے رنگ بعد اظہار تاب جلوۂ تمکیں

کرے ہے سنگ پر خورشید آب روئے کار آتش

پناوے بے گداز موم ربط پیکر آرائی

نکالے کیا نہال شمع بے تخم شرار آتش

خیال دود تھا سر جوش سودائے غلط فہمی

اگر رکھتی نہ خاکستر نشینی کا غبار آتش

ہوائے پر فشانی برق خرمن ہائے خاطر ہے

ببال شعلۂ بیتاب ہے پروانہ زار آتش

نہیں برق و شرر جز وحشت ضبط تپیدن ہا

بلا گردان بے پروا خرامی ہائے یار آتش

دھوئیں سے آگ کے اک ابر دریا بار ہو پیدا

اسدؔ حیدر پرستوں سے اگر ہووے دو چار آتش

na lewe gar-e-khas-e-jauhar tarawat sabza-e-khat se

lagae khana-e-aina mein ru-e-nigar atish

farogh-e-husn se hoti hai hal-e-mushkil-e-ashiq

na nikle shama ke pa se nikale gar na khar atish

sharar hai rang baad-e-izhar-e-tab-e-jalwa-e-tamkin

kare hai sang par khurshid ab-e-roe kar atish

pannawe be gudaz-e-mom rabt-e-paikar arai

nikale kya nihal-e-shama be tukhm-e-sharar atish

khayal-e-dud tha sar josh-e-sauda-e-ghalat fahmi

agar rakhti na khakistar nashini ka ghubar atish

hawae par fishani barq-e-khirman ha-e-khatir hai

bibal-e-shola-e-betab hai parwana zar-e-atish

nahin barq-o-sharar juz wahshat-e-zabt-e-tapidan ha

bala gardan-e-be parwa khirami hae yar atish

dhuen se ag ke ik abr-e-dariya bar ho paida

asad haidar paraston se agar howe do char atish