نہ صورت کہیں شادمانی کی دیکھی

نہ صورت کہیں شادمانی کی دیکھی

بہت سیر دنیائے فانی کی دیکھی

مری چشم خوں بار میں خوب رہ کر

بہار آپ نے گل فشانی کی دیکھی

تمنا نے اس روئے زیبا کو دیکھا

کہ تصویر حسن جوانی کی دیکھی

عجب شوق سے دست ساقی میں ہم نے

صراحی مئے ارغوانی کی دیکھی

زہے رعب حسن ان کے در پر کسی نے

ضرورت نہ کچھ پاسبانی کی دیکھی

نہ تم سا خوش اخلاق پایا نہ ہم نے

کہیں شان یہ دل ستانی کی دیکھی

مجھے کر کے مایوس بولے وہ حسرتؔ

مسرت غم جاودانی کی دیکھی

na surat kahin shadmani ki dekhi

bahut sair-e-duniya-e-fani ki dekhi

miri chashm-e-khun bar mein khub rah kar

bahar ap ne gul fishani ki dekhi

tamanna ne is ru-e-zeba ko dekha

ke taswir husn-e-jawani ki dekhi

ajab shauq se dast-e-saqi mein ham ne

surahi mai-e-arghawani ki dekhi

zahe rob-e-husn un ke dar par kisi ne

zarurat na kuchh pasbani ki dekhi

na tum sa khush akhlaq paya na ham ne

kahin shan ye dil satani ki dekhi

mujhe kar ke mayus bole wo hasrat

masarrat gham-e-jawidani ki dekhi