نامہ بر کہتا ہے اب لاتا ہوں دل بر کا جواب

نامہ بر کہتا ہے اب لاتا ہوں دل بر کا جواب

سن چکا میں چار دن آگے مقدر کا جواب

شیخ ہو حق کر رہا ہے رات دن مستوں کے ساتھ

آج کل ہے مے کدہ اللہ کے گھر کا جواب

خلق کے اعمال نامے چھین لوں گا شہر میں

گم ہوا ہے ہاتھ سے قاصد کے دلبر کا جواب

غیر کی تعریف لکھی سارے خط میں اور مجھے

یہ بھی لکھتے ہیں کہ لکھو میرے دفتر کا جواب

لوگ کہتے ہیں بنا دلی بگڑ کر لکھنو

پر کہاں اے داغؔ اس اجڑے ہوئے گھر کا جواب

nama bar kahta hai ab lata hun dil bar ka jawab

sun chuka mein char din age muqaddar ka jawab

shaikh ho haq kar raha hai rat din maston ke sath

aj kal hai mai kada allah ke ghar ka jawab

khalq ke aamal name chhin lunga shahr mein

gum hua hai hath se qasid ke dilbar ka jawab

ghair ki taarif likhi sare khat mein aur mujhe

ye bhi likhte hain ke likho mere daftar ka jawab

log kahte hain bana dili bigar kar likhnau

par kahan ai dagh is ujre hue ghar ka jawab