نالۂ دل کی صدا دیوار میں ہے در میں ہے

نالۂ دل کی صدا دیوار میں ہے در میں ہے

صور یا محشر میں ہوگا یا ہمارے گھر میں ہے

یوں تو مرنے کو مروں گا میں مگر مٹی مری

یا فلک کے ہاتھ میں یا آپ کی ٹھوکر میں ہے

میں پریشاں ہو کے نکلوں گا تو ان کی بزم سے

میری بربادی کا ساماں ہے تو ان کے گھر میں ہے

وہ اگر دیکھیں تو اب حالت سنبھلتی ہے مری

وہ اگر پوچھیں تو اب مجھ کو شفا دم بھر میں ہے

یہ نہیں موقعہ ہنسی کا تم نظر بدلے رہو

اب قضا میری اسی بگڑے ہوئے تیور میں ہے

دے دے چلو میں اکٹھی کر کے اے ساقی مجھے

کچھ ابھی تو خم میں ہے شیشے میں ہے ساغر میں ہے

نقد جاں لینے کو مقتل میں قضا ندرت مری

بن کے دلہن رونما آئینۂ خنجر میں ہے

nala-e-dil ki sada diwar mein hai dar mein hai

sur ya mahshar mein hoga ya hamare ghar mein hai

yun to marne ko marunga mein magar mitti miri

ya falak ke hath mein ya ap ki thokar mein hai

main pareshan ho ke niklunga to un ki bazm se

meri barbadi ka saman hai to un ke ghar mein hai

wo agar dekhen to ab halat sambhalti hai miri

wo agar puchhen to ab mujh ko shifa dam bhar mein hai

ye nahin mauqaa hansi ka tum nazar badle raho

ab qaza meri isi bigre hue tewar mein hai

de de chalo mein ikatthi kar ke ai saqi mujhe

kuchh abhi to kham mein hai shishe mein hai saghar mein hai

naqd-e-jan lene ko maqtal mein qaza nidrit miri

ban ke dulhan runuma aina-e-khanjar mein hai