نامۂ یار جو سحر پہونچا

نامۂ یار جو سحر پہونچا

خوش رقم خوب وقت پر پہونچا

تھا لکھا یوں کہ اے نظیرؔ اب تک

کس سبب تو نہیں ادھر پہونچا

میں نے اس کو کہا کہ اے محبوب

اس لیے میں نہیں ادھر پہونچا

یوں سنا تھا تم آپی آتے ہو

اس میں نامہ یہ پر گہر پہونچا

مجھ کو پہونچا ہی جانو اپنے پاس

آج کل شام یا سحر پہونچا

nama-e-yar jo sahar pahuncha

khush raqam khub waqt par pahuncha

tha likha yun ke ai nazir ab tak

kis sabab to nahin idhar pahuncha

main ne us ko kaha ke ai mahbub

is liye main nahin idhar pahuncha

yun suna tha tum api ate ho

is mein nama ye par guhar pahuncha

mujh ko pahuncha hi jano apne pas

aj kal sham ya sahar pahuncha