بنارس

ہر اک کو بھاتی ہے دل سے فضا بنارس کی

وہ گھاٹ اور وہ ٹھنڈی ہوا بنارس کی

وہ مندروں میں پجاریوں کا ہجوم

وہ گھنٹیوں کی صدا وہ فضا بنارس کی

تمام ہند میں مشہور ہے یہاں کی سحر

کچھ اس قدر ہے سحر خوش نما بنارس کی

پجاریوں کا نہانا وہ گھاٹ پر آ کر

وہ صبح دم کی فضا دل کشا بنارس کی

وہ کشتیوں کا سماں اور وہ سیر گنگا کی

وہ ٹھنڈی ٹھنڈی ہوا جاں فزا بنارس کی

ہمارے دل سے نکلتی ہے یہ دعا اخترؔ

کہ پھر بھی شکل دکھائے خدا بنارس کی

har ik ko bhati hai dil se faza banaras ki

wo ghat aur wo thandi hua banaras ki

wo mandiron mein pujariyon ka hujum

wo ghantiyon ki sada wo faza banaras ki

tamam hind mein mashhur hai yahan ki sahar

kuchh is qadar hai sahar khush numa banaras ki

pujariyon ka nahana wo ghat par a kar

wo subh dam ki faza dil kusha banaras ki

wo kashtiyon ka saman aur wo sair ganga ki

wo thandi thandi hua jan faza banaras ki

hamare dil se nikalti hai ye dua akhtar

ke phir bhi shakl dikhae khuda banaras ki