نگہ سے چشم سے ناز و ادا سے

نگہ سے چشم سے ناز و ادا سے

خدا محفوظ رکھے ہر بلا سے

کسی کی بے وفائی سے مجھے کیا

میں اپنے کام رکھتا ہوں وفا سے

بہت مانگیں دعائیں ہاتھ اٹھا کر

نہ نکلا کام کچھ آخر دعا سے

مجھے ڈر ہے کہیں رسوا نہ ہو تو

جو میں رسوا ہوا تیری بلا سے

حسنؔ دیتا ہے تو کیوں جی بتوں پر

ملا دیں گے تجھے کیا یہ خدا سے

nigah se chashm se naz-o-ada se

khuda mahfuz rakhe har bala se

kisi ki be wafai se mujhe kya

main apne kam rakhta hun wafa se

bahut mangen duaen hath utha kar

na nikla kam kuchh akhir dua se

mujhe dar hai kahin ruswa na ho to

jo main ruswa hua teri bala se

husn deta hai to kyun ji buton par

mila denge tujhe kya ye khuda se