نہ باغ سے غرض ہے نہ گل زار سے غرض

نہ باغ سے غرض ہے نہ گل زار سے غرض

ہے بھی جو کچھ غرض تو ہمیں یار سے غرض

پھرتے ہیں ہم تو دید کو تیرے ہی در پہ کچھ

رستے سے ہے نہ کام نہ بازار سے غرض

کہنے سے کیا کسی کے کوئی کچھ کہا کرے

ہم کو تو ایک اس کی ہے گفتار سے غرض

جی ان دنوں میں آپ سے بھی ہے خفا ولیک

بیزار جو نہیں ہے تو دل دار سے غرض

پھر پھر کے آج پوچھتے ہو دل کا حال کیوں

ہے خیر تم کو کیا دل بیمار سے غرض

آنے کا وعدہ کر کہ نہ کر ہم کو اب ترے

اقرار سے نہ کام نہ انکار سے غرض

ہم کو بھی دشمنی سے ترے کام کچھ نہیں

تجھ کو اگر ہمارے نہیں پیار سے غرض

سر رشتہ جس کے ہاتھ لگا عشق کا اسے

تسبیح سے نہ شوق نہ زنار سے غرض

دیں دار جو رکھے نہ حسنؔ مجھ سے کام تو

کافر ہوں میں بھی رکھوں جو دیں دار سے غرض

na bagh se gharaz hai na gul zar se gharaz

hai bhi jo kuchh gharaz to hamen yar se gharaz

phirte hain ham to did ko tere hi dar pe kuchh

raste se hai na kam na bazar se gharaz

kahne se kya kisi ke koi kuchh kaha kare

ham ko to ek us ki hai guftar se gharaz

ji in dinon mein ap se bhi hai khafa wilyak

bezar jo nahin hai to dil dar se gharaz

phir phir ke aj puchhte ho dil ka hal kyun

hai khair tum ko kya dil-e-bimar se gharaz

ane ka waada kar ke na kar ham ko ab tire

iqrar se na kam na inkar se gharaz

ham ko bhi dushmani se tire kam kuchh nahin

tujh ko agar hamare nahin pyar se gharaz

sar rishta jis ke hath laga ishq ka use

tasbih se na shauq na zunnar se gharaz

den dar jo rakhe na husn mujh se kam to

kafir hun main bhi rakhun jo den dar se gharaz