بٹھائی جائیں گی پردے میں بیبیاں کب تک

بٹھائی جائیں گی پردے میں بیبیاں کب تک

بنے رہو گے تم اس ملک میں میاں کب تک

حرم سرا کی حفاظت کو تیغ ہی نہ رہی

تو کام دیں گی یہ چلمن کی تیلیاں کب تک

میاں سے بی بی ہیں پردہ ہے ان کو فرض مگر

میاں کا علم ہی اٹھا تو پھر میاں کب تک

طبیعتوں کا نمو ہے ہوائے مغرب میں

یہ غیرتیں یہ حرارت یہ گرمیاں کب تک

عوام باندھ لیں دوہر تو تھرڈ وانٹر میں

سکنڈ و فرسٹ کی ہوں بند کھڑکیاں کب تک

جو منہ دکھائی کی رسموں پہ ہے مصر ابلیس

چھپیں گی حضرت حوا کی بیٹیاں کب تک

جناب حضرت اکبرؔ ہیں حامئ پردہ

مگر وہ کب تک اور ان کی رباعیاں کب تک

bithai jaengi parde mein bebayan kab tak

bane rahoge tum is mulk mein miyan kab tak

haram sara ki hifazat ko tegh hi na rahi

tu kam dengi ye chilman ki teliyan kab tak

miyan se bi bi hain parda hai un ko farz magar

miyan ka ilm hi utha to phir miyan kab tak

tabiaton ka numu hai hawa-e-maghrib mein

ye ghairaten ye hararat ye garmiyan kab tak

awam bandh len dohar to thard wantar mein

sikand-o-farst ki hun band khirkiyan kab tak

jo munh dikhai ki rasmon pe hai musir iblis

chhupengi hazrat hawwa ki betiyan kab tak

janab-e-hazrat akbar hain hami-e-parda

magar wo kab tak aur un ki rubaiyan kab tak