نہ بلبل میں نہ پروانے میں دیکھا

نہ بلبل میں نہ پروانے میں دیکھا

جو سودا اپنے دیوانے میں دیکھا

برابر اوس کی زلفوں کے سیہ بخت

میں اپنے بخت کو شانے میں دیکھا

کسی ہندو مسلماں نے خدا کو

نہ کعبے میں نہ بت خانے میں دیکھا

نہ کوہستاں میں دیکھا کوہ کن نے

نہ کچھ مجنوں نے ویرانے میں دیکھا

نہ اسکندر نے دیکھا آئینہ میں

نہ جم نے اپنے پیمانے میں دیکھا

پر اس کی کنہ کو کوئی نہ پہنچا

جسے دیکھا سو افسانے میں دیکھا

فقیروں سے سنا ہے ہم نے حاتمؔ

مزا جینے کا مر جانے میں دیکھا

na bulbul mein na parwane mein dekha

jo sauda apne diwane mein dekha

barabar os ki zulfon ke siyah bakht

main apne bakht ko shane mein dekha

kisi hindu musalman ne khuda ko

na kaabe mein na but khane mein dekha

na kohistan mein dekha koh kin ne

na kuchh majnun ne wirane mein dekha

na iskandar ne dekha aina mein

na jam ne apne paimane mein dekha

par us ki kana ko koi na pahuncha

jise dekha so afsane mein dekha

faqiron se suna hai ham ne hatim

maza jine ka mar jane mein dekha