نگاہ یار جسے آشنائے راز کرے

نگاہ یار جسے آشنائے راز کرے

وہ اپنی خوبی قسمت پہ کیوں نہ ناز کرے

دلوں کو فکر دوعالم سے کر دیا آزاد

ترے جنوں کا خدا سلسلہ دراز کرے

خرد کا نام جنوں پڑ گیا جنوں کا خرد

جو چاہے آپ کا حسن کرشمہ ساز کرے

ترے ستم سے میں خوش ہوں کہ غالباً یوں بھی

مجھے وہ شامل ارباب امتیاز کرے

غم جہاں سے جسے ہو فراغ کی خواہش

وہ ان کے درد محبت سے ساز باز کرے

امیدوار ہیں ہر سمت عاشقوں کے گروہ

تری نگاہ کو اللہ دل نواز کرے

ترے کرم کا سزاوار تو نہیں حسرتؔ

اب آگے تیری خوشی ہے جو سرفراز کرے

nigah-e-yar jise ashna-e-raz kare

wo apni khubi qismat pe kyun na naz kare

dilon ko fikr doalam se kar diya azad

tire junun ka khuda silsila daraz kare

khirad ka nam junun par gaya junun ka khirad

jo chahe ap ka husn-e-karishma saz kare

tire sitam se main khush hun ke ghaliban yun bhi

mujhe wo shamil arbab-e-imtiyaz kare

gham jahan se jise ho faragh ki khwahish

wo un ke dard-e-mohabbat se saz baz kare

umidwar hain har samt ashiqon ke giroh

tiri nigah ko allah dil nawaz kare

tire karam ka sazawar to nahin hasrat

ab age teri khushi hai jo sarfaraz kare