نہ اس کا بھید یاری سے نہ عیاری سے ہاتھ آیا

نہ اس کا بھید یاری سے نہ عیاری سے ہاتھ آیا

خدا آگاہ ہے دل کی خبرداری سے ہاتھ آیا

نہ ہوں جن کے ٹھکانے ہوش وہ منزل کو کیا پہنچے

کہ رستہ ہاتھ آیا جس کی ہشیاری سے ہاتھ آیا

ہوا حق میں ہمارے کیوں ستم گر آسماں اتنا

کوئی پوچھے کہ ظالم کیا ستم گاری سے ہاتھ آیا

اگرچہ مال دنیا ہاتھ بھی آیا حریصوں کے

تو دیکھا ہم نے کس کس ذلت و خواری سے ہاتھ آیا

نہ کر ظالم دل آزاری جو یہ دل منظور ہے لینا

کسی کا دل جو ہاتھ آیا تو دل داری سے ہاتھ آیا

اگرچہ خاکساری کیمیا کا سہل نسخہ ہے

ولیکن ہاتھ آیا جس کے دشواری سے ہاتھ آیا

ہوئی ہرگز نہ تیرے چشم کے بیمار کو صحت

نہ جب تک زہر تیرے خط زنگاری سے ہاتھ آیا

کوئی یہ وحشیٔ رم دیدہ تیرے ہاتھ آیا تھا

پر اے صیادوش دل کی گرفتاری سے ہاتھ آیا

ظفرؔ جو دو جہاں میں گوہر مقصود تھا اپنا

جناب فخر دیں کی وہ مددگاری سے ہاتھ آیا

na us ka bhed yari se na ayyari se hath aya

khuda agah hai dil ki khabardari se hath aya

na hun jin ke thikane hosh wo manzil ko kya pahunche

ke rasta hath aya jis ki hushyari se hath aya

hawa haq mein hamare kyun sitam gar asman itna

koi puchhe ke zalim kya sitam gari se hath aya

agarche mal duniya hath bhi aya harison ke

to dekha ham ne kis kis zillat-o-khwari se hath aya

na kar zalim dil azari jo ye dil manzur hai lena

kisi ka dil jo hath aya to dil dari se hath aya

agarche khaksari kimiya ka sahl nuskha hai

walekin hath aya jis ke dushwari se hath aya

hui hargiz na tere chashm ke bimar ko sehhat

na jab tak zahr tere khat-e-zangari se hath aya

koi ye wahshi-e-ram dida tere hath aya tha

par ai sayyadwash dil ki giraftari se hath aya

zafar jo do jahan mein gauhar-e-maqsud tha apna

janab-e-fakhr den ki wo madadgari se hath aya