نا خوش دکھا کے جس کو ناز و عتاب کیجے

نا خوش دکھا کے جس کو ناز و عتاب کیجے

اے مہرباں پھر اس کو خوش بھی شتاب کیجے

جو اپنے مبتلا ہوں اور دل سے چاہتے ہوں

لازم نہیں پھر ان سے رکئے حجاب کیجے

بیٹھے جو شام تک ہم بولا وہ مہرباں ہو

جو خواہشیں ہیں ان کا کچھ انتخاب کیجے

ہم نے نظیرؔ ہنس کر اس شوخ سے کہا یوں

ہیں خواہشیں تو اتنی کیا کیا حساب کیجے

موقع کی اب تو یہ ہے جو وقت شب ہے اے جاں

ہم بیٹھے پاؤں دابیں اور آپ خواب کیجے

na khush dikha ke jis ko naz-o-itab kije

ai mehrban phir us ko khush bhi shitab kije

jo apne mubtala hun aur dil se chahte hun

lazim nahin phir un se rukiye hijab kije

baithe jo sham tak ham bola wo mehrban ho

jo khwahishen hain un ka kuchh intikhab kije

ham ne nazir hans kar us shokh se kaha yun

hain khwahishen to itni kya kya hisab kije

mauqaa ki ab to ye hai jo waqt-e-shab hai ai jan

ham baithe paon daben aur ap khwab kije