نئی حد بندیاں ہونے کو ہیں آئین گلشن میں

نئی حد بندیاں ہونے کو ہیں آئین گلشن میں

کہو بلبل سے اب انڈے نہ رکھے آشیانے میں

پچہتر لاکھ اک بیکار مد میں صرف کر دیں گے

رعایا کے لئے کوڑی نہیں جن کے خزانے میں

جو ارزاں ہے تو ہے ان کی متاع آبرو ورنہ

ذرا سی چیز بھی بے حد گراں ہے اس زمانے میں

جفا و ظلم نصب العین ہوگا جس حکومت کا

یقیناً خاک ہو جائے گی وہ تھوڑے زمانے میں

وہ اک روٹی جو ہم کو برہمن مشکل سے دیتا ہے

ہزاروں بت ہوا کرتے ہیں اس کے دانے دانے میں

nai had bandiyan hone ko hain ain-e-gulshan mein

kaho bulbul se ab ande na rakhe ashiyane mein

pachhatar lakh ik bekar mad mein sirf kar denge

riaya ke liye kauri nahin jin ke khazane mein

jo arzan hai to hai un ki mata-e-abru warna

zara si chiz bhi be had giran hai is zamane mein

jafa-o-zulm nasb alain hoga jis hukumat ka

yaqinan khak ho jaegi wo thore zamane mein

wo ik roti jo ham ko barahman mushkil se deta hai

hazaron but hua karte hain us ke dane dane mein