میں کہا تھا کبھی سے یہ کچھ ہے

میں کہا تھا کبھی سے یہ کچھ ہے

جس کا عالم ابھی سے یہ کچھ ہے

جائے شکوہ نہیں سلوک اس کا

دیکھتا ہوں سبھی سے یہ کچھ ہے

جب سے دیکھا ہے تجھ کو اب تو کیا

حالت دل تبھی سے یہ کچھ ہے

ہم نے جانا سخن کی شیرینی

اس کی شکر لبی ہی سے یہ کچھ ہے

دن کو تو خیر تھی حسنؔ پر کچھ

بے قراری شب ہی سے یہ کچھ ہے

main kaha tha kabhi se ye kuchh hai

jis ka alam abhi se ye kuchh hai

jae shikwa nahin suluk us ka

dekhta hun sabhi se ye kuchh hai

jab se dekha hai tujh ko ab to kiya

halat-e-dil tabhi se ye kuchh hai

ham ne jana sukhan ki shirini

us ki shukr labi hi se ye kuchh hai

din ko to khair thi husn par kuchh

be qarari shab hi se ye kuchh hai