مے و ساقی ہیں سب یکجا اَہاہاہا اَہاہاہا

مے و ساقی ہیں سب یکجا اَہاہاہا اَہاہاہا

عجب عالم ہے مستی کا اَہاہاہا اَہاہاہا

بہار آئی تڑانے پھر لگے زنجیر دیوانے

ہوا شور جنوں برپا اَہاہاہا اَہاہاہا

جن آنکھوں نے نہ دیکھا تھا کبھی یک اشک کا قطرہ

چلے ہیں اس سے اب دریا اَہاہاہا اَہاہاہا

مرے گھر اس ہوا میں ساقی و مطرب اگر ہوتے

تو کیسے مے کشی کرتا اَہاہاہا اَہاہاہا

کیا بیدارؔ سے عاشق کو تو نے قتل اے ظالم

کوئی کرتا ہے کام ایسا اَہاہاہا اَہاہاہا

mai-o-saqi hain sab yakja ahahaha ahahaha

ajab alam hai masti ka ahahaha ahahaha

bahar ai tarane phir lage zanjir diwane

hawa shor-e-junun barpa ahahaha ahahaha

jin ankhon ne na dekha tha kabhi yak ashk ka qatra

chale hain us se ab dariya ahahaha ahahaha

mire ghar is hawa mein saqi-o-mutrib agar hote

tu kaise mai kashi karta ahahaha ahahaha

kiya bedar se ashiq ko tu ne qatl ai zalim

koi karta hai kam aisa ahahaha ahahaha