میں چپ رہوں تو گویا رنج و غم نہاں ہوں

میں چپ رہوں تو گویا رنج و غم نہاں ہوں

بولوں تو سر سے پا تک حسرت کی داستاں ہوں

مسرور ہو تو مجھ سے میں تجھ سے شادماں ہوں

تو میرا میہماں ہو میں تیرا میزباں ہوں

کہتی ہے ان کی مستی ہوش آئے تو میں پوچھوں

اے بے خودی بتا دے اس وقت میں کہاں ہوں

ارشاد پر نظر ہے خاموش ہوں کہ گویا

چاہو تو بے زباں ہوں چاہو تو با زباں ہوں

جاں گھل چکی ہے غم میں اک تن ہے وہ بھی مہمل

معنی نہیں ہیں بالکل مجھ میں اگر بیاں ہوں

میں ہوں جنوں کے ہاتھوں مخلوق کا تماشہ

نا مہرباں ہوں خود پر دنیا پہ مہرباں ہوں

اللہ رے اس کی چوکھٹ ہے بوسہ گاہ عالم

کہتا ہے سنگ اسود میں سنگ آستاں ہوں

کہتا ہے میرا نالہ لب تک میں آتے آتے

سو جا تھما ہوں رہ میں اس درجہ ناتواں ہوں

نفرت ہو جس کو مجھ سے ملنے کا اس سے حاصل

نظروں میں کیوں سبک ہوں خاطر پہ کیوں گراں ہوں

مدت میں تم ملے ہو کیوں ذکر غیر آئے

میں اپنے سائے سے بھی خلوت میں بد گماں ہوں

چپ رہ گیا پیامی لیکن یہ خیر گزری

خط نے کہا کہ سنیے پرویںؔ کی میں زباں ہوں

main chup rahun to goya ranj-o-gham-e-nihan hun

bolun to sar se pa tak hasrat ki dastan hun

masrur ho to mujh se main tujh se shadman hun

tu mera mehman ho main tera mezban hun

kahti hai un ki masti hosh ae to main puchhun

ai be khudi bata de is waqt mein kahan hun

irshad par nazar hai khamosh hun ke goya

chaho to be zaban hun chaho to ba zaban hun

jan ghul chuki hai gham mein ik tan hai wo bhi mohmal

maani nahin hain bilkul mujh mein agar bayan hun

main hun junun ke hathon makhluq ka tamasha

na mehrban hun khud par duniya pe mehrban hun

allah re us ki chaukhat hai bosa gah-e-alam

kahta hai sang-e-aswad mein sang-e-astan hun

kahta hai mera nala lab tak main ate ate

so ja thama hun rah mein is darja natawan hun

nafrat ho jis ko mujh se milne ka us se hasil

nazron mein kyun subuk hun khatir pe kyun giran hun

muddat mein tum mile ho kyun zikr-e-ghair ae

main apne sae se bhi khalwat mein bad guman hun

chup rah gaya payami lekin ye khair guzri

khat ne kaha ke suniye parwin ki main zaban hun