مے ہو ابر و ہوا نہیں تو نہ ہو

مے ہو ابر و ہوا نہیں تو نہ ہو

درد ہو گر دوا نہیں تو نہ ہو

ہم تو ہیں آشنا ترے ظالم

تو اگر آشنا نہیں تو نہ ہو

دل ہے وابستہ تیرے دامن سے

دست میرا رسا نہیں تو نہ ہو

ہم تو تیری جفا کے بندے ہیں

تجھ میں رسم وفا نہیں تو نہ ہو

آستاں پر تو گر رہے ہیں اگر

تیری مجلس میں جا نہیں تو نہ ہو

ہم تو ہیں صاف، بد گماں میرے

تیرے دل میں صفا نہیں تو نہ ہو

دل کو اکسیر ہے گی تیری نگاہ

ہوس کیمیا نہیں تو نہ ہو

ہم تو حاشا نہیں کسی سے برے

کوئی ہم سے بھلا نہیں تو نہ ہو

طالب وصل کب تلک رہیے

ہو تو ہو جائے یا نہیں تو نہ ہو

حاتمؔ اب کس کی مجھ کو پروا ہے

کوئی مرا جز خدا نہیں تو نہ ہو

mai ho abr-o-hawa nahin to na ho

dard ho gar dawa nahin to na ho

ham to hain ashna tire zalim

tu agar ashna nahin to na ho

dil hai wabasta tere daman se

dast mera rasa nahin to na ho

ham to teri jafa ke bande hain

tujh mein rasm-e-wafa nahin to na ho

astan par to gir rahe hain agar

teri majlis mein ja nahin to na ho

ham to hain saf, bad guman mere

tere dil mein safa nahin to na ho

dil ko iksir hai gi teri nigah

hawas-e-kimiya nahin to na ho

ham to hasha nahin kisi se bure

koi ham se bhala nahin to na ho

talib-e-wasl kab talak rahiye

ho to ho jae ya nahin to na ho

hatim ab kis ki mujh ko parwa hai

koi mira juz khuda nahin to na ho