میں جنسی کھیل کو صرف اک تن آسانی سمجھتا ہوں

میں جنسی کھیل کو صرف اک تن آسانی سمجھتا ہوں

ذریعہ اور ہے معبود سے ملنے کا دنیا میں

تخیل کا بڑا ساگر تصور کے حسیں جھونکے

لیے آتے ہیں بارش میں تمنائیں عبادت کی

مگر پوری نہیں ہوتی تمنا دل کی چاہت کی

کسی عورت کا پیراہن کسی خلوت کی خوشبوئیں

کسی اک لفظ بے معنی کی میٹھی میٹھی سرگوشی

یہی چیزیں مرے غمگیں خیالوں پر ہمیشہ چھائی رہتی ہیں

عبادت کا طریقہ حرکتیں ہیں تشنہ و مبہم

کبھی روح صنم بیدار خواب مرگ مہمل سے

کسی اندر سبھا کی لاکھ پریاں آ کے بہلائیں

لبھاتے ناچ ناچیں اور رسیلے راگ بھی گائیں

مگر یہ مردہ دل عادی ہے بس غمگیں خیالوں کا

گھٹا آتی نہیں خوشیوں کی بارش لا نہیں سکتی

مری روح حزیں محکوم ہے اپنے تأثر کی

ذریعہ اور ہے معبود سے ملنے کا دنیا میں

میں جنسی کھیل کو کیوں اک تن آسانی سمجھتا ہوں

کبھی انساں کی عمر مختصر پر غور کرتا ہوں

کبھی فانی تمناؤں کی جھیلوں میں یوں ہی کھویا سا پھرتا ہوں

main jinsi khel ko sirf ik tan asani samajhta hun

zaria aur hai maabud se milne ka duniya mein

takhayyul ka bara sagar tasawwur ke hasin jhonke

liye ate hain barish mein tamannaen ibadat ki

magar puri nahin hoti tamanna dil ki chahat ki

kisi aurat ka pairahan kisi khalwat ki khushbuen

kisi ik lafz-e-be maani ki mithi mithi sargoshi

yahi chizen mire ghamgin khayalon par hamesha chhai rahti hain

ibadat ka tariqa harkaten hain tishna-o-mubham

kabhi ruh sanam bedar khwab-e-marg mohmal se

kisi andar sabha ki lakh pariyan a ke bahlaen

lubhate nach nachen aur rasile rag bhi gaen

magar ye murda dil adi hai bas ghamgin khayalon ka

ghata ati nahin khushiyon ki barish la nahin sakti

miri ruh-e-hazin mahkum hai apne tasar ki

zaria aur hai maabud se milne ka duniya mein

main jinsi khel ko kyun ik tan asani samajhta hun

kabhi insan ki umr-e-mukhtasar par ghaur karta hun

kabhi fani tamannaon ki jhilon mein yun hi khoya sa phirta hun