میں ذات کا اس کی آشنا ہوں

میں ذات کا اس کی آشنا ہوں

اور اس کی صفات پر فدا ہوں

افسوس کہ آپ کو میں اب تک

معلوم نہیں کیا کہ کیا ہوں

ہے عین زوال میں ترقی

مجھ کو کہ گل دوپہریا ہوں

حیرت ہے مجھے یہی کہ اس بن

کس طرح سے اب تلک جیا ہوں

کرتا نہیں میں خوشامد خلق

حاتمؔ ہوں ازل سے بے ریا ہوں

main zat ka us ki ashna hun

aur us ki sifat par fida hun

afsos ke ap ko main ab tak

maalum nahin kiya ke kya hun

hai ain zawal mein taraqqi

mujh ko ke gul dopaharya hun

hairat hai mujhe yahi ke is ban

kis tarah se ab talak jiya hun

karta nahin main khushamad-e-khalq

hatim hun azal se be riya hun