میں اٹھا رکھوں نہ کچھ ان کے لیے

میں اٹھا رکھوں نہ کچھ ان کے لیے

یہ حسیں مل جائیں دو دن کے لئے

وعدۂ فردا کے سچے مل گئے

اب اٹھا رکھوں میں کس دن کے لئے

کل کے وعدے پر نہ دے وہ مے فروش

جس نے توڑے ہم سے گن گن کے لئے

قورمہ مرغ سحر کا وصل میں

بھیج دیتا ہوں موذن کے لئے

یہ نہ کہنے کو ہو بے گنتی دیئے

میں نے بوسے ان کے گن گن کے لیے

منہ جھلسنے کو خزاں کا عندلیب

آشیاں میں بیٹھے ہیں تنکے لئے

مے کشو واعظ مرے سر ہو گیا

کوئی تدبیر اس پڑھے جن کے لیے

یہ ریاضؔ ان کے بہت تھے منہ لگے

اٹھ رہا کیا آج کچھ دن کے لیے

main utha rakhun na kuchh un ke liye

ye hasin mil jaen do din ke liye

waada-e-farda ke sachche mil gae

ab utha rakhon mein kis din ke liye

kal ke waade par na de wo mai farosh

jis ne tore ham se gin gin ke liye

qaurma murgh-e-sahar ka wasl mein

bhej deta hun muazzin ke liye

ye na kahne ko ho be ginti diye

main ne bose un ke gin gin ke liye

munh jhulasne ko khizan ka andalib

ashiyan mein baithe hain tinke liye

mai kasho waiz mire sar ho gaya

koi tadbir is parhe jin ke liye

ye riyaz un ke bahut the munh lage

uth raha kya aj kuchh din ke liye