میرے کُہستاں! تجھے چھوڑ کے جاؤں کہاں

میرے کُہستاں! تجھے چھوڑ کے جاؤں کہاں

تیری چٹانوں میں ہے میرے اَب و جدَ کی خاک

روزِ ازل سے ہے تو منزلِ شاہین و چرغ

لالہ و گُل سے تہی، نغمۂ بُلبل سے پاک

تیرے خَم و پیچ میں میری بہشتِ بریں

خاک تِری عنبریں، آب ترا تاب ناک

باز نہ ہوگا کبھی بندۂ کبک و حمام

حِفظِ بدن کے لیے رُوح کو کردوں ہلاک!

اے مرے فقرِ غیور! فیصلہ تیرا ہے کیا

خِلعتِ انگریز یا پیرہنِ چاک چاک!

mere kuhistan! tujhe chhor ke jaun kahan

teri chatanon mein hai mere ab-o-jid ki khak

roz-e-azal se hai to manzil-e-shahin-o-chargh

lala-o-gul se tahi, naghma-e-bulbul se pak

tere kham-o-pech mein meri bahisht-e-barin

khak tiri ambarin, ab tira tab nak

baz na hoga kabhi banda-e-kabk-o-hammam

hifz-e-badan ke liye ruh ko kardon halak!

ai mire faqr-e-ghayur! faisla tera hai kya

khilat-e-angrez ya pairahan-e-chak chak!