میرے رونے پر جو رویا آدمی فہمیدہ ہے

میرے رونے پر جو رویا آدمی فہمیدہ ہے

ناصح عاقل پرانا گرگ باراں دیدہ ہے

میں بھی تو دیکھوں نکلتا ہے یہ تنکا کس طرح

چارہ گر کی آنکھ میں میرا تن کاہیدہ ہے

تو نے رکھا ہے رقیب ترش رو کے دل پہ ہاتھ

آج کیوں پھیکا ترا دست حنا مالیدہ ہے

خاک میں اس نے ملایا مجھ کو یا میں نے اسے

آج میں ہوں اور یہ میرا دل تفتیدہ ہے

زہر کھا کر مل گئے ہیں خاک میں عاشق بہت

انگلیاں ہیں دیکھ تو یا سبزۂ روئیدہ ہے

خوب آتا ہے لگا لینا نگاہ یار کو

ایک سے ان بن ہوئی تو دوسرا گرویدہ ہے

بہر نظارہ چلا ہے کوچۂ قاتل میں داغؔ

کس بلی کا ہے کلیجہ کس غضب کا دیدہ ہے

mere rone par jo roya admi fahmida hai

naseh-e-aqil purana gurg-e-baran dida hai

main bhi to dekhun nikalta hai ye tinka kis tarah

chara gar ki ankh mein mera tan kahida hai

tu ne rakha hai raqib tursh ru ke dil pe hath

aj kyun phika tira dast-e-hina malida hai

khak mein us ne milaya mujh ko ya main ne use

aj main hun aur ye mera dil-e-taftida hai

zahr kha kar mil gae hain khak mein ashiq bahut

ungliyan hain dekh to ya sabza-e-roida hai

khub ata hai laga lena nigah-e-yar ko

ek se an ban hui to dusra girwida hai

bahr-e-nazara chala hai kucha-e-qatil mein dagh

kis billi ka hai kaleja kis ghazab ka dida hai