بندہ اگر جہاں میں بجائے خدا نہیں

بندہ اگر جہاں میں بجائے خدا نہیں

لیکن نظر کرو تو خدا سے جدا نہیں

نقطے کا فرق ہے گا خدا اور جدا میں دیکھ

صورت میں گر چھپا ہے بمعنی چھپا نہیں

ہر شے کے بیچ آپ نہاں ہو عیاں ہوا

دیکھا تو ہم نے اس سا کوئی خود نما نہیں

حیران عقل کل کی ہے اس کی صفت کو دیکھ

سب جا میں جلوہ گر ہے مگر ایک جا نہیں

لذت چکھا کے دل کے تئیں ہجر و وصل کی

حاتمؔ سے مل رہا ہے اور اب تک ملا نہیں

banda agar jahan mein bajae khuda nahin

lekin nazar karo to khuda se juda nahin

nuqte ka farq hai ga khuda aur juda mein dekh

surat mein gar chhupa hai bamani chhupa nahin

har shai ke bich ap nihan ho ayan hua

dekha to ham ne is sa koi khud numa nahin

hairan aql kal ki hai us ki sifat ko dekh

sab ja mein jalwa gar hai magar ek ja nahin

lazzat chakha ke dil ke tain hijr-o-wasl ki

hatim se mil raha hai aur ab tak mila nahin