میری جاں وہ بادہ خواری یاد ہے

میری جاں وہ بادہ خواری یاد ہے

وقت مستی گریہ زاری یاد ہے

موتیا کا ہار و چمپا کی چھڑی

جوڑۂ دامن کناری یاد ہے

سب ابھوکن تیرے تن پر خوشنما

خوبیٔ انگیا و ساری یاد ہے

ابر کا سایہ و سبزہ راہ کا

جان من رتھ کی سواری یاد ہے

کویلاں کے نالے امرائی کے بیچ

اس سمے کی بے قراری یاد ہے

مینہ بی تو ٹپکتا تھا بوند بوند

فائزؔ اس دن کی سواری یاد ہے

meri jan wo bada khwari yad hai

waqt masti girya zari yad hai

motiya ka har-o-champa ki chhiri

jura-e-daman kinari yad hai

sab abhukan tere tan par khushnuma

khubi-e-angiya-o-sari yad hai

abr ka saya-o-sabza rah ka

jan-e-man rath ki sawari yad hai

koyalan ke nale umarai ke bich

is samay ki be qarari yad hai

menh bi to tapakta tha bund bund

faiz us din ki sawari yad hai