مری شام غم کو وہ بہلا رہے ہیں

مری شام غم کو وہ بہلا رہے ہیں

لکھا ہے یہ خط میں کہ ہم آ رہے ہیں

ٹھہر جا ذرا اور اے درد فرقت

ہمارے تصور میں وہ آ رہے ہیں

غم عاقبت ہے نہ فکر زمانہ

پئے جا رہے ہیں جئے جا رہے ہیں

نہیں شکوۂ تشنگی مے کشوں کو

وہ آنکھوں سے مے خانے برسا رہے ہیں

وہ رشک بہار آنے والا ہے اخترؔ

کنول حسرتوں کے کھلے جا رہے ہیں

miri sham-e-gham ko wo bahla rahe hain

likha hai ye khat mein ke ham a rahe hain

thahar ja zara aur ai dard-e-furqat

hamare tasawwur mein wo a rahe hain

gham-e-aqibat hai na fikr-e-zamana

piye ja rahe hain jiye ja rahe hain

nahin shikwa-e-tishnagi mai kashon ko

wo ankhon se mai khane barsa rahe hain

wo rashk-e-bahar ane wala hai akhtar

kanwal hasraton ke khule ja rahe hain