مرگ خودی

خودی کی موت سے مغرب کا اندرُوں بے نور

خودی کی موت سے مشرق ہے مُبتلائے جُذام

خودی کی موت سے رُوحِ عرب ہے بے تب و تاب

بدن عراق و عَجم کا ہے بے عروق و عظام

خودی کی موت سے ہِندی شکستہ بالوں پر

قفَس ہُوا ہے حلال اور آشیانہ حرام!

خودی کی موت سے پیرِ حرم ہُوا مجبور

کہ بیچ کھائے مسلماں کا جامٔہ احرام!

khudi ki maut se maghrib ka andarun be nur

khudi ki maut se mashriq hai mubtala-e-juzam

khudi ki maut se ruh-e-arab hai be tab-o-tab

badan iraq-o-ajam ka hai be uruq-o-izam

khudi ki maut se hindi shikasta balon par

qafas hua hai halal aur ashiyana haram!

khudi ki maut se pir-e-haram hua majbur

ke bich khae musalman ka jama ehram!