ملا کر خاک میں پھر خاک کو برباد کرتے ہیں

ملا کر خاک میں پھر خاک کو برباد کرتے ہیں

غریبوں پر ستم کیا کیا ستم ایجاد کرتے ہیں

ہزاروں دل جلا کر غیر کا دل شاد کرتے ہیں

مٹا کر سیکڑوں شہر ایک گھر آباد کرتے ہیں

موذن کو بھی وہ سنتے نہیں ناقوس تو کیا ہے

عبث شیخ و برہمن ہر طرف فریاد کرتے ہیں

حسینوں کی محبت کا نہ کر کچھ اعتبار اے دل

یہ ظالم کس کے ہوتے ہیں یہ کس کو یاد کرتے ہیں

وہی شاگرد پھر ہو جاتے ہیں استاد اے جوہرؔ

جو اپنے جان و دل سے خدمت استاد کرتے ہیں

mila kar khak mein phir khak ko barbad karte hain

gharibon par sitam kya kya sitam ijad karte hain

hazaron dil jala kar ghair ka dil shad karte hain

mita kar saikron shahr ek ghar abad karte hain

muazzin ko bhi wo sunte nahin naqus to kya hai

abas shaikh-o-barahman har taraf fariyad karte hain

hasinon ki mohabbat ka na kar kuchh etibar ai dil

ye zalim kis ke hote hain ye kis ko yad karte hain

wahi shagird phir ho jate hain ustad ai jauhar

jo apne jan-o-dil se khidmat-e-ustad karte hain